ساعدوني معلمه جديده ومحتاره وصلت لمرحله الجنون

[معلمة صف خامس]

السلام عليكم ورحمه الله وبركاته
انا معلمه جديده ادرس صف خامس احترت بالتحضير وملف انجاز والمسرد
ضايعه بين هالمسميات
كيف بدا مرت اسبوعين وانا على الحاله هذي وصلت مرحله الجنون
اخذت تحضير بندر الحازمي
وقالوا ماده لغتي مالها تحضير
اجل وش لها
تكفوووووووووووووووون ساعدوني

 

[للعطاء بقية]

وعليكم السلام ورحمة الله وبركاته
حبيبتي معلمة ترى الموضوع سهل .. تحسين إنك ضايعة بس في البداية .. بعدين يصير الموضوع سهل وعن تجربة بعد شهر بس راح تحبين المادة وتقولين خلاص ماعاد أبي ادرس إلا لغتي .. شوفي اهم شي الحين حطي التحضير الموجود عندك لاتحوسين كثير لأن المسألة تعتمد على الشرح .. إلى إن تجيك موجهه وتعلمك بكل شي ..
ملف الانجاز والتحضير والمسرد كلها واحد .. التحضير ورقة يومية للدرس والمسرد تقريبا يشرح دروس اسبوع .. ملف الانجاز على اسمه يعني كل شي تسوينه بالمدرسة تضيفينه بهالملف .. بياناتك .. تحضيراتك .. مطويات انت تعملينها .. إذاعات إنت تعدينها ..

موفقة اختي العزيزة ..

 

[قلب امراه]

معلمة جديدة
ماعليك هو سحب مسرد لكل أسبوع حاليا لأن التحضير على حسب مشرفة المادة يا تطلب يا......لا

 

[ممدوح الخديدي]

اختي انا بأقول لك وش تسوين

عندك كتاب المعلمة هو يشرح لك كل شي وصدقيني الموضوع اسهل بكثير مما تتوقعين

كتاب المعلمة فيه الشرح وفيه التحضير بجد شااااااااااامل لك شي

وبعدين تجي مرحلة اوراق العمل والتقويمات

 

[سعيد القرني]

يا اختي العزيزه لغتي لا يوجد لها تحضير مجرد نوزيع المنهج بعدين مسرد لكل وحده يتقسم ع الاسابيع والمسرد موجود هنا بالمنتدى الفصل الخامس الفصل الدراسي الاول واوراق العمل تحصليها في مكتبات كثير انا شريتها كامله والمنهج يعتمد ع الحوار مع الطلاب اكثر من الشرح وشكرا بالنسبه لملف انجاز لم ياتي تعميم يفرضه ع المعلمين وهو عباره عن ملف فيه السيره الذاتيه لك دوراتك خبراتك ان وجدت ونماذج من اوراق العمل والله يوفقك ويوفقنا جميع .............

 

[بسومه عبدالله]

بليز .... التحضير والله مسبب لي صداع نصفي ,,,:sm62:

 

[معلمة صف خامس]

الاخوان والاخوات الي ردوا الف شكر لكم وجزاكم الله خير
بس الله يهديكم زادت حيرتي والله
اختلفت الاراء
بس بجيب التحضير واوراق العمل
اما المسرد--------------للاسف مافهمته ولا شكلي بفهمه الله يكون بعوني
والف شكر لكم
الاخت بسومه وصلتي للصداع ماشاءالله
استعدي للجنون قريبا بتوصلينه

 

[اسومه المحتارة]

الله يعين الجميع

 

[الأستاذ : رياض]

اختي معلمه المسرد يغنيك عن التحضير تماما بحيث تقدمي كل اسبوع
ورقة للادارة
ومو ناقصك الا اوراق عمل وموجوده في منتدانا الحبيب
المسرد انا اضمن بمشيئة الله انه يكفيك عن التحضير
وهذا الشيء اللي طلبه مني المشرق وقال لي بالحرف : المسرد يغنيك عن التحضير الروتيني
وبالتوفيق يارب

 

[معلمة صف خامس]

الاستاذ رياض
الف شكر لك جزاك الله خير