الأخوان عبدالله وسعود..أبي مساعده لاهنتوا

[وهج-البندري]

السلام عليكم ورحمة الله وبركاته

يعطيك الف عافيه ع الجهود الواضحه والمبذووووووووله

>>>جايبه معروضها

بس بغيت أسألك ...أنا مدرسة للصف الأول...من كم سنه

وكانت تخدمني علبة صور للمقرر السابق شريتها من مكتبة الحجاز إذا

منيب غلطانه بالاسم فيها كل صور الكتاب ملونة واعتقد الكل يعرفها

كانت تفيدني بالعرض وبالتطبيق حتى ..ومرات باسترجاع الدرس السابق


سؤالي الحين........أنا حملت الصور اللي حطيتها خاصة بالوحدات

1-لو طبعتها تكلفة الوان وحوسه

2-ولو خليتها عن طريق العرض...بتواجهني مشكلتين

لاعندي لابتوب ...هذا أولا ولاعندي بروجكتر

++ عندك اقتراح وين موجودة وأنا بتواصل مع المكتبة اشتريها


بعـــــــد أحتاج استشارتك بخصوص البروجكتر

بالدوام عندنا واحد المديرة شاريته من ميزانيه المقصف ولما كلمتها ع السنه الجايه

قالت تاخذينه حصه وزميلتك حقت اول/أ تاخذه حصة ولا سوا جدول

وهذا الشي صعب ...وبآخر الدوام ربطوه ودخلوا حوسته ورجعوه لي..

ولو بغيت اشتري لي خاص قالوا اسعارة مرة مرتفعه

>>بتقول ليش مدرسة وماعندك لابتوب بقول مكفيني جهازي مكتبي بالبيت

يعني لو افترضنا اني بالصيف بشتري لابتوب وبروجكتر هذي يبيلها فوق ال6 آلاف

لكن بعد حضور الدورة قررت اشتري لابتوب لانه فيني فيني وضروري لكن مو بنفس لما

احط فوقه سعر البروكجتر صح!!

إنت وشرأيك...أدري ثقلت عليك بالكلام...بس وربي احس اني ضايعه

ومرات أقول يابنت خلي فلوسك لك ترى مو كل شي بالبروجكتر...أكيد بعض التدريبات

ومرة اقول اذا جت الموجهه اطلبي البروجكتر......بس ما احب اكون متكلفة احب اتعامل

مع بناتي بطريقتي لو استجد عليهم شي بيوضح عليهم >>ماغير فاتحين فمهم ومفهين مستغربين !!!

جزاك الله خير واعتدنا دايماٌ مساعدتك..........

بانتظار الردود والاقتراحات.........منك ومن الاخ سعود ومن الجميع

 

[سعد القحطاني]

السلام عليكم


الأخت وهج


تقدرين توفرين على نفسك الكثير بشراء طابعة ملونة تستفيدين منها الكثير غير طباعة الصور للمنهج

أما البروجكتر فالمكتب يوفره لك أنا شخصياً في مدرستي كل فصل أول فيه بروجكتر خاص به

لا والسنة هذي فصول ثاني كل فصل بجهازه

 

[وهج-البندري]

لاهنت ماقصرت أخوي ع ردك

صحيح كلامك لكن ...الصور السابقة نفس الكتاب وحجمها حلو

لكن لو اشتري طابعه تعريف وطباعه كل يوم وعفسه لكن الصور كنت شاريتها 250

وخدمت حييييييييييييييييييييل حتى إني غلفتها تغليف حراري...جد فعاله

أما بخصوصو البروجكتر المديرة رافضه ترفع بطلب...وبعد رافضة توفره من الميزانية

تقول عند أشياء اهم.........!!!

سمعت إن فيه بروجكتر في جرير اسمه البروجكتر الصفي والمعلمات مايمدحونه

يقولونه الصورة مو واضحه

 

[سعد القحطاني]

ما أدري عن هالبرجكتر لأني أول مرة أسمع عنه


لكن حاولي مع مديرتك عسى الله يهديها وترفع طلب

 

[سعود الثبيتي]

الأستاذ / سعد القحطاني دائماً متألق ...

بارك الله فيك ::: كفيت ووفيت​

 

[وهج-البندري]

جزاك الله خير اخوي سعد القحطاني

والمديرة اليوم دخلت عليها وعقدت السالفه

قالت اشتري وبقط معك انتي ومعلمه اول ب وبشرط مايطلع

من المدرسة واي وحده من المراحل الاخرى تبيه تعطينها

قلت اسمحيلي السعه زينه وبشتري لنفسي


بس السؤال هل نستخدمه كثير ولا لأ!!!!!

لان اغلباللي نزلته لازم عرض يعني البروجكتر اذا فاهمه غلط صوبوني

 

[سعد القحطاني]

الأخ سعود الثبيتي


على خُطاكم نسير والتألق أنتم صُنّاعه


دمت بود

 

[سعد القحطاني]

وهج البندري


من الأفضل أن يكون لفصلك جهازه المستقل لأنك غالباً ستستخدمينه بشكل يومي كما أرى من الأخوة الزملاء في أول ابتدائي


حاولي مع المديرة فمن واجبها توفير متطلباتكم والمكتب صدقيني سيسعى لتوفيرها ولكن يبقى طلب المديرة


الله يكون في عونكم

 

[وهج-البندري]

لاهنت اخوي سعد ...والثبيتي