( عنده أمل أن أحد يبي يقرا هالرد )
انا امل سمي وش تبين
:
:
اولا
تعوذي من ابليس
ثانيا
اعطيك طريقة علشان يقدرون يفرقون بناتك بين الفعلين (( صحيح مو ذاك الزود )) بس سهله
وانتبهي مو مع كل الكلمات تضبط مع الاغلبية
قولي لهن ان الفعل
المضارع الحاضر دائما تكون بداية يا حرف
ت او
ن او
أ او
ي
والمضارع المستقبل يكون ياحرف
س او كلمة
سوف
والماضي اغلب حروفه قليلة ولا نستطيع استرجاعه مثل كلمة اكل فكري على نستطيع استرجاع مااكل
مانقدر لانه حدث وانتهى (( يع امحق مثال
))
"
"
ثالثا
صحيح انك متأخر حبتين بس مو لدرجة الاحباط والهروب
لا انت قدها وقدود
رابعا
قبل اي درس تشرحينه
تعالي هنا ونفكر جميعا بطريقة له .. وخوذي افكار .. وعروض .. وراح يبسط الامر
بس انت هونيها على عمرك مافيه شيء يستاهل
خامسا
الكل متوقع ان هالسنة
راح يكون فيها صعوبات وعقبات .. بس راح نتخطاها
والسنة الجايه نتفادها
سادسا
لاتقولين موضوع يجيب لك الصياح
اذا مامعك منديل اعطيك
سابعا
يحق لك تقولين رايك ونسمعه
ومن حقك تفضفضين مثل مافضفضنا وملينا الدنيا فضفضة
وحقك علينا نساعدك ونوجهك
ثامنا
مو لازم تمشين على المنهج بحذافيره
اهم شيء يفهمون البنات
والمشرفة قالت لي سوي اللي تبينه ولا تناظرين للمنهج
بس عاد لا تتأخرين كثير
تاسعا
طول ماانت محبطة ماراح تعطين
الا راح تتعبين اكثر واكثر
اجلسي مع نفسك وفكري بطريقة ولعبة تطرحينها
بالحصة بكره .. وصدقيني بناتك خايفات ومشتتات
خليهم بس يحبون المادة شوفي كيف راح يكونوا
عاشرا
انا مااتفلسف
بس صدقيني مريت بهالشيء
وكثير يجيني بس احاول اتغلب عليه
والحمدلله الامور تمشي
:
:
انت درة عطاء
فلمعيها لتبرزيها
موفقه يالحبيبة
