استفسار .. يامعلمين ويامعلمات وين وصلتوا بالمنهج ..

[صـــــدف]

ما شــــــــــــــــــــــــــــــــــــــــــــاء الله

ما شــــــــــــــــــــــــــــــــــــــــــــاء الله

ما شــــــــــــــــــــــــــــــــــــــــــــاء الله

ما شــــــــــــــــــــــــــــــــــــــــــــاء الله

"
"

لاتخافين احبك ماراح احسدك ..

بس فيني حره

"
"
الله يقويك

 

[صـــــدف]

بالله :d

والله انتهينا من الوحدة الاولى ولا اعراب ولا شي

اجل باوحدة الثانية نعلمهم الاعراب

هههههههههههههههههههه

يالله ياانا ضحكت عليك ..

بس بصراحة مانلومك

بالكتاب مو موضح مره

بس حنا عارفين الا حافظين المنهج القديم وكان فيه اعراب

ومن شفت كاتب علامة اعرابه بالمستطيل

خليت حصة كاملة للاعراب

والله يجزاها خير ام عبدالرحمن حملت منها اوراق

عن الوحدة الاولى وفيها اعراب

وشددت عليه

بس للاسف مو الكل ضبطته .. وبعض الاهالي يتصلون

ويقولون مالقيناه

:
:

هذا واحد من عيوب المنهج

 

[أم مشعل]

18 / 11

اليوم ولله الحمد أخذنا أنواع الفعل والدرس جداً ممتع والبنات تفاعلوا معي

بس المشكلة اللي واجهتني مع أني أعطيت الدرس في حصتين إلا أني ما خلصت التمارين طويلة بصراحة ولا أحب أكثر على الطالبات الواجب

بكره بإذن الله نكمل التمارين وناخذ ورقة عمل لأنواع الفعل عشان اتأكد من استيعابهم للدرس

،

​

 

[صـــــدف]

اليوم

درس انواع الفعل

بصراحة المنهج القديم

كان مبسط الدرس ومخلين كل فعل لحاله لمدة اسبوعين او اكثر

والمنهج الجديد للاسف مخلي فعل الماضي والمضارع مره وحدة بجد كيف !!!!!!!!!!

انواع الحووووووس البنات ضربت روسهن وياكثر ماتنحن

والا تمارين النشاط حشى صارن عذاب حصة ونص وحنا نحل هذا غير حصة الدرس

والله يعين على الفصل الثاني بكره ابي اخذ ريد بول بكره

اجهاد مو طبيعي

يارب يجيب نتيجة بس

"
"

 

[صـــــدف]

اي ممتع ياام مش مش

الا تعب مو طبيعي

ماشاء الله عليك .. والله يقويك ..

<< ابصيح

 

[أم مشعل]

ما قلت لا يا صدوفهـ متعب كثير والجهد اللي بذلته اليوم أكثر من أي درس سابق

بس في نفس الوقت كان ممتع بصراحة بس الله يستر من بكره

،​

 

[أم مشعل]

صدوفهـ أحس أني أعرفك لا يكون من دفعتي يالدوبهـ

دخلتي قلبي وكأني أعرفك من زمان

،​

 

[أنفاس الفجر]

اليوم 18 \ 11

اخذنا درس المفرد والجمع واسلوب النهي

\

واخذت حصه سمعت فيها الايه وصححت الكتب بس مو كلها


ياربي نبي وقت للتصحيح




يابنات يعني السنه الجايه كذا بعد تعب تعب وركض ركض اااه

 

[اجمل انسانة]

السلام عليكم

اخباركم ياحلوووووين


اما انا تعبانه وصوتي راااااااااااااااااااااااح

وجهد مو طبيعي وهذا وانا اخذ حصصاضافية من المعلمات

بس( السلحفاء) راااااااحت فيها

ماراح تجي الاجازة وانا فيني حيل ابد

واختبرت البنات وصدموني مررررة بالاجابات

واليوم الثلاثاء18-11 اعطيت مدخل الوحدة الثانية بس زعلانة

ماابي امشي بالوحدة الثانية وانا ماتأكدت من فهم الطالبات

 

[بنت خيبر]

اليوم بصراحه جاني احباط مو طبيعي من البنات انواع الفعل
اهئ ثلاث حصص وورقه عمل من ير الوسائل اللي مسويتها لهم
بس لاحياه لمن تنادي المنهج مو مناسب لبنات القرى النائيه تعبت وانا اقول اللي عندي مو مناسبهم المنهج اقسم بالله احباط الله يصبرني عليهم اهئ

 

[أنفاس الفجر]

بنات شفتوا نص على الخوان وشو ذا وراه تسذا هالحين هذا بيقرونه بنات رابع ياويلي ويلااااااااااااااااااااه

 

[صـــــدف]

صدوفهـ أحس أني أعرفك لا يكون من دفعتي يالدوبهـ ​

دخلتي قلبي وكأني أعرفك من زمان ​

،​

كل شيء جائز .. ويمكن ..

ارسلي لي ع الخاص من وين انت ..

ويعلم الله انك عزيزة وغالية .. ويشرفني اتعرف عليك ...

<< قلبنا الموضوع شات << بــــــــــــــــــــــــــــــــرا

 

[صـــــدف]

انفاس الفجر

بسم الله عليك شكلك متروعة (( متخرعة ))

اقول عليك بالعصفر يمدحونه

للروعة والهبلة

ادخلي على الرابط .. وشوفي ردودنا عن هالدرس .. واسدحي خرعتك قصدي رايك فيه

https://loghati.net/showthread.php?t=2734

 

[متابعة]

احنا قيمنا على الوحد ةالاولى
اول شيء اعطيناهم تقويم ذاتي تحله الطالبة بنفسها وتصححه باشراف المعلمة
وبعدها قيمناهم (تقويم تجميعي)نغلق فيها مهارات الوحدة الاولى
لكن للأسف البنات حاسونا حوس واجاباتهم صدمة هذا والتقييم على وحدة مو على الوحدتين
وتوني اليوم الثلاثاء 18/11بديت بالمدخل للوحدة الثانية

 

[صـــــدف]

متابعة الله يكون بعونك .. موفقه

 

[أم مشعل]

كل شيء جائز .. ويمكن ..

ارسلي لي ع الخاص من وين انت ..

ويعلم الله انك عزيزة وغالية .. ويشرفني اتعرف عليك ...

<< قلبنا الموضوع شات << بــــــــــــــــــــــــــــــــرا

أرسلت صدوفه مدري وصلت وإلا وش المشكله ​

< بتعصب إذا ما وصلت ​

،​

 

[صـــــدف]

أرسلت صدوفه مدري وصلت وإلا وش المشكله ​

< بتعصب إذا ما وصلت ​

،​

وصلت يالغلا ..

بس طلعت من المنتدى وهلا رديت <<

 

[مضطرة]

احنا قيمنا على الوحد ةالاولى
اول شيء اعطيناهم تقويم ذاتي تحله الطالبة بنفسها وتصححه باشراف المعلمة
وبعدها قيمناهم (تقويم تجميعي)نغلق فيها مهارات الوحدة الاولى
لكن للأسف البنات حاسونا حوس واجاباتهم صدمة هذا والتقييم على وحدة مو على الوحدتين
وتوني اليوم الثلاثاء 18/11بديت بالمدخل للوحدة الثانية

أنا مثلك اليوم بديت بالوحدة الثانية بس ما عرفت للتقويم شحطيتي بالضبط بالتقويم الذاتي .......... مع الشكر

 

[أم مشعل]

19 / 11

تم بحمد الله الانتهاء من الصنف والأسلوب اللغوي وحل ورقة عمل أنواع الفعل

باقي تصحيح الأوراق الله يستر

،
،​

 

[تولينا الفوشية]

تم اليوم الأربعاء الموافق 19/11 الأنتهاء من الصنف اللغوي ( المفرد والجمع )الأسلوب اللغوي ( أسلوب النهي ) شكلي داعسه السرعة عندي 160 ههههههههههه