المشكله مواني اضع اتقنت او لم تتقن
لان لو وضعت اتقنت في المهارات اللي مادرستها البنت الأهل أصلا ماعندهم خلفية عن المهارات اللي تخص الفترات
معهم مهارات عايمه يعني مو عارفين وش اللي للفترة الاولى اوالثانيه او الثالثة اوالرابعة
ومايطلع لهم الا المهارات اللي ما اتقنتها البنت
المشكله في النظام نفسه ان المهارات غير ممتدة طوال الفترات
اللي اعرفه ان اي مهاره متى مابدأنا بها في التقييم تظل مفتوحه طوال الفترات اللي بعدها
بحيث لو بنت ما اتقنت في نفس الفترة استمر اعيد لها التقييم لحد ماتتقنها في اي فترة من الفترات
ثم اضع لها انها اتقنت في الفترة اللي اتقنت فيها
لكن نظام نور لو تلاحظون انه في مهارات الكتابة صاير مثل لعبة يانصيب
قاسمين المهارات قسمين قسم للفتره الاولى والثانيه وقسم للفتره الثالثه والرابعه
مع ان مهارات لغتي المفروض تكون ممتده على طول الفترات لايمكن الفصل بينها
مثلا نسخ الحروف ينقطع التقييم فيها بعد الفتره الثانيه
فهل معنى هذا اني ماقيم البنات في حروف الوحده الرابعه والخامسه والا كيف
احس نظام نور كله على بعضه ملخبط يحتاج لصياغة من جديد
والمفروض يسمع لرأي المعلم الممارس لتدريس الماده ويؤخذ رأيه في توزيع المهارات
والاهم من هذا كله ان اي مهاره تفتح يجب ان لاتغلق في الفترات اللي بعدها
لاننا راح نحتاجها في تقييم الطالبات الاقل مستوى
أحيانا نلاقيهم مايتقنوا مهارات الفتره الاولى الا وقت الثانيه او الثالثه
فكيف اسجل لها في الحاله هذي اتقنت والمهاره لاتوجد في الفتره الثالثه
