موقف حصل معك أثناء الرحلة التعليمية

[همسة شاعرة]

السلام عليكم ورحمة الله وبركاته
صباحكم /مساؤكم معطر بالسعادة وطاعة الرحمن

كيفكم أخواتي وأخواني ؟؟

ما أدري إذا كان الموضوع مناسب في هذا القسم

عموما سؤالي : عن موقف مر بك أثناء رحلتك التعليمية مع نفسك أو الإدارة أو المعلمات أو العاملات أو الطالبات / الطلاب .
ولا زال صداه يترنم في مخيلتك .

يلا يا معلمين ومعلمات اعصروا الذالكرة زين واطرحوا مواقفكم/مواقفكن

أرجو منكم التفاعل يا أغلى أعضاء وعضوات في منتداي الرائع

دمتم بخير وسعادة وتفاؤل وطموح متجدد دائما :sm48:

 

[همسة شاعرة]

يا كثر المواقف اللي تمر في حياة كل معلم ومعلمة
يلا شدوا الهمة:angel:

 

[همسة شاعرة]

ببدأ أنا عشان يتحمس الجميع
طبعا المجال مفتوح في أي موقف تذكروه
سواء كان موقف فيه حزن أو إحراج أو فرح ......الخ

والآن ببدأ مع موقفي المحرج الذي لا ينسى
في يوم من الأيام وكعادتي أستعد للمدرسة
وكنت قايمة متأخرة ولبست واستعجلت وطلعت
وصلت المدرسة ودخلت غرفة المعلمات
وأحس رجولي خفيفة وأطالعها إلا وأنا لابسة أكرمكم الله
شبشب البيت هههههههههههه
قسم بالله فشيلة
ما بغيت أشرح حصصي
وأسأل المعلمات باين أنه
شبشب يقولون لي :لا
ما أدري يجاملون أو صدق
وأنا أحاول أسحب التنورة شوي عشان يتغطى الشبشب
اليي مخفف الوضع شوي أنه كان شبشب كشخة ههههههههه <على مين تلعبيها
المهم الحمد لله انتهى اليوم على خير
وما حسيت أن أحد لاحظ من طالباتي ولا صرت أضحوكة المدرسة
صرت ما أطلع للدوام إلا وأنا متأكدة من ملابسي وجزمتي أكرمكم الله

يلا انتظر تفاعلكم
دمتم بخير وسعادة فديتكم :sm276:

 

[همسة شاعرة]

وينكم يلا انتظر تفاعلكم

ما أبغى أسولف لحالي :sm8:

 

[بوح الخاطر]

يا كثر المواقف اللي تمر في حياة كل معلم ومعلمة
:angel:

موضوع حلو وموقفك أختي همسة شاعرة أحلى


لكن المشكلة في مواقفنا بصراحة ماودنا نتذكرها خاصة لما تخذلين !!!​

 

[همسة شاعرة]

​

موضوع حلو وموقفك أختي همسة شاعرة أحلى


لكن المشكلة في مواقفنا بصراحة ماودنا نتذكرها خاصة لما تخذلين !!!​

عزيزتي بوح الخاطر منورة موضوعي
حاولي تنسين المواقف السلبية اللي تضيق صدرك
وأتحفينا بموقف حلو

دمت غاليتي

 

[مربية الأجيال]

الله يسعدك همسة شاعرة على الموضوع وعلى الموقف ههههه
أنا أول سنة تخرجت تعينت في قرية يازين طالبات هذيك القرية الله يذكرهم بالخير
وكانت لهجتهم غريبة هم والمعلمات والمديرة وأنا زي الأطرش في الزفة
لكن عشت معاهم بصراحة أجمل سنوات التدريس نقلت من عندهم وأنا حزينةعليهم
حصلي معهم مواقف مضحكة كثيرة

 

[همسة شاعرة]

حياك الله حبيبتي مربية أجيال
منورة الموضوع والمنتدى كله
ههههههههههه حلوة أطرش في الزفة
يا حبي لك أتذكر لما أكون مع خالتي وهي تتكلم مع الحريم بلهجة الجنوب وأنا متنحة من جد أطرش في الزفة

إذا تتذكري أحد هذه المواقف المضحكة أتحفينا بها فديتك

منورة غلاتي

يلا ننتظر تفاعل الجميع

 

[همسة شاعرة]

يلا ننتظر مواقفكم
وين التفاعل فديتكم ؟؟؟؟؟؟؟؟

 

[هديل الطير]

،،
هلا هموسة
حياك ياقلبووو
موضوع حلو فيه نوع من الوناسة والفرفشة
>>ماسكة معها الفرفشة بقوة
بس اتذكر اي موضوع باحطه هنا
تعرفين الذكرة موشوشة شوي..
تعبانه مررة ومافيني اتذكر ههههههههههه
المهم
تسلم يمناك ياحلوتنا على الموضوع
،،

 

[همسة شاعرة]

هلا هدولة
منورة الموضوع غلاتي
أيوه من يوم حطت مربية الأجيال موضوع الفرفشة وهي ماسكة معك
يا حبي لكم
فديتكم وفديت فرفشتكم
المهم إذا تذكرت شي حطيه ننتظر مواقفك
سعيدة بمرورك وردك غلاتي

دمت بخير وسعادة

 

[مربية الأجيال]

مرة من المرات في مدرسة ما من المدارس اللي درست فيها
حضرت المشرفة لصديقتي فصلها جنب فصلي وبتحضر لي الحصة اللي بعدها
المهم طلعت من فصلها ودخلت في فصلي وأنا في غرفة المعلمات رتبت أدواتي وجيت للفصل لقيت البنات مسوين حلقة حولها ويسألونها أنت المدرسة الجديدة ووين أبلتنا ومن هذي الأسئلة
تعرفون أسئلة الصفوف الدنيا هههههههههه
والموجهه تحاول ترجع فيهم وتسكت ومرتفع ظغطها من تأخيري هههههههههه--
مادرت إنها هي اللي مستعجلة خلصت زميلتي درسها وقبل ماتخلص الحصة دخلت على فصلي تدورني وأرسلت المعلمة اللي عندهم تناديني
عاد أنا خليتها عندهم لين بدت الحصة هههههه

 

[همسة شاعرة]

هههههههههههههههه

موقف حلو جالسه أتخيله
بعض الموجهات ماشاء الله حريصات يحضرون قبل الوقت
أو يكونون واقفات برا الفصل قبل لا يرن الجرس ينتظرون المعلمة

تسلمين مربية على موقفك
دمت بود وسعادة

 

[هديل الطير]

مرة من المرات في مدرسة ما من المدارس اللي درست فيها
حضرت المشرفة لصديقتي فصلها جنب فصلي وبتحضر لي الحصة اللي بعدها
المهم طلعت من فصلها ودخلت في فصلي وأنا في غرفة المعلمات رتبت أدواتي وجيت للفصل لقيت البنات مسوين حلقة حولها ويسألونها أنت المدرسة الجديدة ووين أبلتنا ومن هذي الأسئلة
تعرفون أسئلة الصفوف الدنيا هههههههههه
والموجهه تحاول ترجع فيهم وتسكت ومرتفع ظغطها من تأخيري هههههههههه--
مادرت إنها هي اللي مستعجلة خلصت زميلتي درسها وقبل ماتخلص الحصة دخلت على فصلي تدورني وأرسلت المعلمة اللي عندهم تناديني
عاد أنا خليتها عندهم لين بدت الحصة هههههه

،،
هههههههههههههههه
مربية الاجيال
اتخيل شكلها والبنات بس طايحين
أسئلة فيها ودها بالفكة
يسعدك ربي على الموقف
،،

 

[همسة شاعرة]

وين مشاركات البقية؟؟؟؟؟؟؟؟

 

[محمد الجميل]

طرح رائع
اذكر في يوم ذهبت للمدرسة متاخر قليلا واذا بي افاجا بان مدير الادارة المدرسية يتجول في المدرسة وانا داخل وعيني ملاها النوم ولمن رجع المدير مع المشرف الاداري قال المدير هذا محمد الجميل اللي دخلنا فصله وقلت وينه توه يجي>>>يمون المدير بقوة هههههههه المهم المشرف شافني وقام يرحب ويهلي واسلم عليه واطالع في عيون المدير بياكلني ههههههههههه قال المشرف انت قدمت ادارة ولا وكالة ولا باقي قلت مابغى وربي اكره شي اسمه ادارة قال مو بكيفك واطالع في المدير وهو متعجب قال المشرف غصبا عنك قلت بشرط وطالعت في عين المدير وسكت شوية

قال امر وشو شرطك قلت اكون وكيل للمدير حقنا في نفس المدرسة قال انت قدم واترك الباقي عليه

طبعا راح التقديم ورجعت اتعذر مسوي نفسي اني ماعرف متى يبدا الترشيح قال المشرف مارشحت نفسك قلت لا متى هو قال خلاص السنة الجاية

طبعا سالت المدير قلت شرايك ارشح نفسي والا لا قال مانصحك تعب وقلق >>ههههه قلت على قولك انا مدرس ويخب بعد

ههههههههه

شكرة همسة وسامحيني على همساتي وموقفي

محمد الجميل

 

[همسة شاعرة]

حياك الله أخوي محمد نورت الموضوع

بصراحة موقفك هههههههههه أحس المدير يطلع أعذار عشان ما تصير وكيله

الله يوفقك يارب وتسلم على مشاركتك

دمت بود وسعادة

 

[همسة شاعرة]

بقولكم على موقف ثاني

أول ما تخرجت من الكلية أنا وأختي في نفس السنة

تعيينا في نفس المدرسة أهلية طبعا

طبعا أنا وأختي نتشابه كثير

حبينا نلبس ملابس تشبه بعضها حتى نفس تسريحة الشعر

وكانت الحصة الثالثة وطلعت طالبة تستأذن رايحة تمتحن عند معلمة ومرت بجنب أختي

ولما طلعت شافتني .قالت : أستاذة توني شايفتك تحت كيف جيتي هنا بسرعة.

وأنا كاتمة الضحك ههههههههههههه

أعتقد البنت نست كل اللي ذاكرته هههههههههه تقول وش هذه المعلمة الجنية.

الله يذكرها من أيام حلوة

يلا أتحفونا بمواقفكم وأنا بقولكم على مواقفي..

انتظركم فديتكم

:sm61:

 

[همسة شاعرة]

وين تفاعلكم؟؟؟؟

يلا انتظركم بفارغ الصبر.

 

[وطني]

المواقف كثيرة جدا
لكن الموقف هذا يمكن قوي


صحيت وصليت وأفطرت وجلست شوي استمع لطلال

المهم لبست وخرجت وفي السيارة!!!!!!!!!!!!
لقيت نفسي لابس غترة وعقال وكنادر اعزكم الله
لكن مافيه ثوب "سروال -فانيلة وغترة وعقال"
نسيت ألبس ثوبي