بردو حرتي ....شوي واصيح

[نانا فور]

السلام عليكم ورحمة اللة
انا طالبة تدريب عملي
ونزلت الاحد المدرسة
وشرحت الدرس وانا لي يوميين وانا احضر الدرس وقطعت نفسي واجتهدت
والنتيجة لما حضرت المشرفة انقدتني بس ليت ع الدرس
لا ع طريقة اللبس وقصة الشعر
والدرس والشرح ولا جابت طااااري
وطريقة كلامها تستفز الواااحد
لدرجة انها قالت انتي قدرتي تجذبين انتباه البنات (توقعت بالمشاركة) سالتها بايش قالت كل البنات حطوا الغرة ع الجنب نفسك
وبعد من ضمن كلامها خلو اهبالكم وحركاتكم بجامعتكم وبعدين تعاالو اشرحو للبنات
من جد قهر احسها مستنقصتنا ورربي تقهر
انا الحين سؤالي لطالبات التربية العملي او المشرفات السنعات
اهي لها دخل باللبس والشكل الخارجي ؟؟؟؟ قالت اذا كذا انتو لاتجوون مرة ثانية
وبعد من حقنا نرفض حصص الانتضار ؟؟؟؟ كل حصص الانتضار ع روسنا
ابي اعررررف
بليييزززز :angry:

 

[هديل الطير]

،،
ههههههههههههههه
عجبتني قدرتي تجذبين الطالبات
الله يصلحها هالمشرفة .. عمر الانتقاد مايكون بهالاسلوب
لازم من اللين .. حتى ولو رأت منك مالم يعجبها
كان الله في عونك
،،

 

[طيف نجد]

مريضه هالمشرفه بالعكس الأناقة واللبس الحلو تفتح نفس الطالبه

 

[بردقوش]

الله يكون بعونكم .... وبعض المشرفات ترفع الضغط :sm225:

 

[نوتيلا]

هو أكيد اللبس لازم يناسب المكان اللي انتي فيه يعني بالعقل رايحة لمدرسة لمكان عمل بلبس كأنك رايحة لزواج هاذي مصيبه والمبالغة بالمكياج برضو نفس الشئ.. وأعذريني هذا الكلام بشكل عام .. لكن أسلوبها معك هو اللي ينرفز وكلامها مايصلح يكون من مشرفة يعني المفروض تكلمت معك بإحترام ولباقة وكلام لين صدقيني كان أقنعتك بكلامها بدون تجريح.. هاذي وجهة نظري وبدون زعل

 

[نانا فور]

مشكورين اللي ردو وبردو حرتي هههه
بس واللة انا ماكتبت الا وانا مقهورة منها اللة يسامحها
نيوتلا
لو انك عندي كان اكلتك هههه
حبيبتي الحق ماينزعل منة بس احنا لبسنا مناسب ولانا مبالغين
ومشكورات خواتي

 

[نجود ع الشريف]

انا الحين سؤالي لطالبات التربية العملي او المشرفات السنعات
اهي لها دخل باللبس والشكل الخارجي ؟؟؟؟ قالت اذا كذا انتو لاتجوون مرة ثانية
وبعد من حقنا نرفض حصص الانتضار ؟؟؟؟ كل حصص الانتضار ع روسنا
ابي اعررررف
بليييزززز

بخصوص لها دخل أم لا فبالتأكيد لها دخل لأن حكمها يبنى على الشكل والمضمون , غير أن طريقتها ــ بحسب ما ذكرتي ــ في توجيهك كانت قاسية ولا يصح أن تصدر منها إحترامًا لمقامها
أما حصص الانتظار وغير ذلك من مهام المعلمة فلا يحق لكِ رفضها , وذلك بحسب التعميم الأخير الوارد من وزارة التربية والتعليم .
وفقك الله

 

[مريم محمد]

السلام عليكم ورحمة الله
اليك رأيي اختي المتدربة بالنسبة للباس والشعر فالمهم أن يكون لائقا وغير مناف للشرع ووذوق المجتمع الذي تعيشين فيه ويبعد عن التشبه الفارغ بالغرب والفئات الشاذة منهم
والمشرفة هي من سيعطي رأيه فيك في النهاية إن كنت أهلا لحمل الرسالة أو لا ولا تنسي أنك هناقدوة ولفترة فكوني ممن إذا مر ترك الأثر الطيب خلفه
أما بالنسبة لأسلوب المشرفة فكان ينبغي لها أن توجهك بأسلوب صحيح راق دون تجريح فأنت هنا لتتعلمي منها وممن سبقوك في المهنة
وفقك الله وجعلك من خيرة حملة الرسالة
ودمت