الســلام عليكم
نعم اختي اذا حضرت لك الموجهه في درس نص مثل ( الرسول صلى الله عليه وسلم قدوتي في العفو والتسامح )
ياليت تفيدك هذه النقاط التالية لإن الموجهه حضرت لي واعطتني نصائح
*** التهيئــــــــــــــــــة :
1- أول شيء طبعا المقدمة بسم الله .............الخ
2- لازم تذكرين التلميذات بالقواعد الصفية ولازم تكون مكتوبة في ورق ولصقيه على الجدار
3- لازم تكتبين التاريخ و تكتبين المهارة التعريف بالمهارة ( القراءة) . ثم تكتبين اعلان للمكون وتقولينه للطالبات مثل هدفنا ( القراءة الصحيحة والمسترسلة ... الخ )
4- ممكن تذكرين قصه قصيرة تمهيد عن الموضوع عن التسامح مثل خلاف بين طالبات اي قصة قصيرة وتكون هادفة
*** القراءة الصــامته
1- بعدين قالت لي الموجهه يقرون الطالبات النص قراءة صامتة وقبل مايقرون انتي تعطينهم سؤال تشويقي مثل ( ماهو شعور عمر في هذه القصة / وهل زال عنه هذا الشعور )
تعطينهم (3) دقائق ويبدون يقرون ومن خلال القراءة الصامته يعرفون ان شعور عمر كان الغضب ونعم زال عنه هذا الشعور
**** القراءة الجهرية
وهي من خلال جهاز انا عندي سي دي الأسطورة فيه النص بالفديو مرة رهيب جزاه الله الف خير ( اذا ماعندك وسيلة او فديو ) اقرئي انتي النص قراءة واضحة
*** القراءة الترددية الزمرية
الان تبدين تقسمين الطالبات مجموعات وكل مجموعة تقرين وهم يقرون وراك جزء من النص .. بعدين تكملين مع المجموعة الثانية والثالثة
القراءة الفردية من التلميذات
تختارين الطالبات الممتازات بالقراءة يقرون سطرين وتكملين مع مجموعة من الطالبات اهم شيء تنتبهين للوقت
واخر شيء تنهين الدرس بسؤال عام ممكن من مكون اجيب ( سؤال واحد فقط )
بعدين تخلينهم يكتبون عليه قراءة بالمنزل
تختارين لهم من النص 3 اسطر يكتبونها بالدفتر
كذا تكون حصتك بإذن الله مية مية .. اهم شيء حصة وحدة قراءة النص فقط
ربي يوفقك ان شاء الله