منو اللي راح يجاوب على الاسئلة يبيلنا واحد خبرة + واحد رسمي .. يستند بكلامه على شي رسمي
موب اتوقع وكذا
حتى المشرفين اللي يجونا .. ضايعين ولايدرون وش يقولون
التقييم للحين وبهالمنتدى حملت يمكن 3 اشكال كل واحد بوادي
ثانيا موب ملاحظين انكم تمشون الحصة بسرعة وياتلحق او ماتلحق
ومافيه أمل ترجع لشي شرحته بالسابق لأن مافيه وقت
مو مشكلة
الحين المدير والمشرف نسألهم عن الاختبارات .. يقول انتظروا نشوف
انتهيت من الوحدة الاولى تقريباً مابقى غير صفحة .. نهاية الاسبوع الرابع
الاسبوع الخامس بكمله + للحين ماادري اختبرهم تحريري والا تقييم مستمر
يعني احط الدرجات اللي ماشي عليها من 50 وخلاص ؟ واطبق هالكلام بالوحدتين الباقيتين .. واخذ المعدل من 3
ولافيه اختبار نهائي طبعاً
نوعية دفتر التحضير وشو
ناس تقول بيدك << معصي
وفيه مشرفين اعتمدو كتاب المعلم هو دفتر تحضير زي ماهو
وناس للحين مايدرون وش السالفة ومنتظرين
بالعربي
وش السالفة .. ؟؟؟؟؟؟؟
مع اني ماشي تمام بالشرح والتقييم ( حسب احد التقسيمات من هالمنتدى ) وياربي لك الحمد
عندي طلاب اتحدابهم اي مدرسه بالنباهه .. ماشاء الله تبارك الله عليهم الله يحرسهم
هالمنهج يذكرني بالدورات اللي ناخذها تماماً
مجموعات .. ثنائيات .. فردي .. تعليقات .. اريحية بالكلام .. نقاشات .. شوي سبورة وشوي كتاب .. تفكير .. منزلي .. صفي .. بحث
لامنهجية .. تعامل ابسط واقرب مع الطلاب .. ازالة الحواجز .. اعطاء الثقة والجرأة للطالب .. متابعة وتصحيح .. تقييم .. استنطاق ..
انا والله عاجبني المنهج بقووة لكن .. ليش تاركين كل شي مبهم للحين يافريق التأليف ؟
المفروض كل شي جاهز .. حتى شكل دفتر التحضير تنزلونه مخطط وفاضي قبل تنزلون المنهج .. المفروض تنزلون اشكال التدريبات
بملفات وورد او بوربوينت .. عشان نصمم عليها الاجابات بانفسنا .. المفروض تنزلون ورقة التقييم رسمية ..
للأسف
مشكلة التعليم بدون تخطيط .. وللغة العربية ؟؟ مصيبة
ياليت احد يجاوب تساؤلاتي
تشاو
