:::::::: فرصة من ذهب ادخل وشوف ::::::::

[ذكرى الغامدي]

فرصة من ذهب ادخل وشوف


الشايب والوايت​

شايب نوى يشتري له وايت علشان يسقي الحلال , وذالشايب متقاعد​

وشاريله رعية غنم​

وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال​

فقام و توكل على الله وعزم يروح يدور له وايت. ​

صدفه و هو يمشي إلا هالناس مجتمعة في أرض فضاء كبيرة ولآَ حولهم وايت واقف.​

عجب خوينااااا ​

الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح​

أوصلهم وأشوف كم هو واصل سومه و إذا هم حادينه اشوف كم هو عليه.​

وصل عندهم الشايب ووقف يسمعهم يحرجون , وأستانس بالحيل لأنه ماهو غالي.​

ولا ذاك الرجال​

ماسك الميكروفون ويحرج 50,,52,,55,,ومن قال زود ,​

قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي.​

وخش معهم بالحراج ,,,56,,,ويزودون...ويزود...ويزودون...ويزود.​

المهم وصلوه 75,,,قام خربها وقالهم ,,,80​

هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!!​

يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب​

وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك​

بمليون ريال ذالحين ,,ذالحزه​

بس مانشوف وجهك واقف معنا بالحراج .​

انصدم الشايب ..أفتر راسه شوي وقال هااااا..وش السالفة..؟؟؟ ​

مليون ريال ..وليه..؟؟​

قال له الرجال (خويهم) بس خذ هالشيك وتوكل على الله والله يستر عليك ولالك بالطبخه.​

وش اسمك ؟.
عطاه اسمه وكتب له الشيك بمليون ريال وصرف الرجال من الحراج وهو مايدري ​

وش السالفه!!!.​

طيب وش العلم علمني ..؟؟​

علمه بالعلم. أثر ذا الجماعة يحرجون على المخطط وواقفين بالصدفة جنب الوايت اللي​

جايبينه يرشون به الأرض علشان يحرجون.​

والحراج من اليوم بــ 56 مليون و 75 مليون..وابو الشباب (الشايب) خش عليهم عرض​

ولايدري وش العلم. ​

وهم بعد أخترشوا شوي يحسبونه هامور ..!!
وبيلطش عليهم المخطط ..قاموا صرفوه بمليون ريال..​

وهو ماصدق. طاير من الفرحه,,مليون,,ويقول بخاطره ​

عجزت وأنا اجمع خمسة وثمانين ألف ويجيني ذا الرزق من الله ..! ​

فسبحان الله مقسم الأرزاق على عباده.​

الرزق مثل الأجل يتبعك....​

******​

​

كيف بس الشايب كان معكم....
​

الله يرزقنا بمخطط بالغلط.​

ماحولكم وايت للبيع..<< هههههههههه....

من جعبة إيميلي​

 

[ريحانة]

فعلا ربي موزع الارزاق

عقبال ما طيح بمثل هالوايت

ههههههههههههههههههههه​

 

[هديل الطير]

،‘،


سبحان مقسم الارزاق

استمتعت بهالقصة

الله يسلمك ويسلم بريدك دووم

،‘،
​

 

[...اميرة باخلاقي...]

شوفوا كيف دخل عرض ...
وكسب ما يبيه او ما يتنمناه ...

 

[شمعةودّ]

سبحان الله
موزع الأرزاق
قصة رائعة​

 

[بحر الخيال]

ههههههههههههه

عوافي يارب

 

[مربية الأجيال]

سبحان مقسم الأرزاق ----------الله يرزقنا

 

[دفينة الإحساس]

سبحان الله على نياتكم ترزقون
الله يعطيك العافية ​

 

[طيووف]

الله يرزقنا بكم وايت مثله ههههههههههههه
ربي يسعدك مثل ما اسعدتينا

 

[ذكرى الغامدي]

​

 

[مرهفةالحس]

سبحان إللي يكتب الرزق فيما
لا يخطر على بال

 

[أبوالعز]

،


، ،


مَوضُوعٌ في غَايةِ الرَّوعةِ وَقمةِ الجمَال ..

وهَذا هُو المعهُود بأعمَالكِ وابدَاعَاتكِ ..

الَّتي لا تخلُو مِن المتعَةِ وَ الفَائدة ..

فَدُمتِ ذُخرًا لنـَا في هَذا المنتَدى..
ودَامت سُطُوركِ مُشرِقةً في الاكوَان ..


تَقبَّلي خَالِص الشُّكر ِ

والتَّقديرِ والامتِنَان ..




أبو العز





‘ ‘

،
​