عبرواااااااااااااااااا وردوا ياوزاره وش قالوا الاطفال بعد الصوره

[ام انوسي]

قالت لي ليان :ابلا ليش الام ماتغطت حرام بيشوفونها الرجاجيل
والله البلشه ........ معاد قدرت اقول شي
قعدت افكر..... اقول نست تغطى لا ماتجي
اقول مافي الشارع رجال بعد ماتجي
رايحين للبر وشلون وهم واقفين جنب الاشاره
بالفعل وقعت في حيره ديننا يأمرنا بشي والكتاب يخالفه كيف ارد على طفله تربت على حرمة كشف الوجه وترى امها واختها وكل من حولها يفعلون ذلك ثم الكتاب يظهر الام في الشارع بدون غطاء في مدينة الملاهي كذلك في الحديقه كذلك انا بعد ماقالت البنت لى هالكلام جلست اتمعن في الصور بالفعل الام لاتضع غطاء ياناس على الاقل كان رسمتوالها نقاب ولا اوقعتونا بها الاحراج خصوصا اننا في مكون الاحظ واعبر الطالبه لها مطلق الحريه في التعبير وماشاء الله عندنا اطفال اذكياء جدا وشديدي الملاحظه فجزاكم الله خيرا راعوا الناحيه الشرعيه في هذا الامر

 

[أبو وساام]

قولي لها اشرايك نغطيلها وجههاونرسم غط لتعزيز فكرة وجوب الغطاء (ام وساام)

 

[لمسة شووق]

نقاب مره وحده ؟!

بصراحه التدقيق في هذا الامر غير مهم , خصوصا ان صورة الام محجبه وهذا هو الاهم

تقبلي وجه نظري وفكره ام وسام قد تكون حلا لمن يواجه مشكله

 

[عبدالله آل متعب]

السلام عليكم

قولي لها هذه مجرد تجسيد كرتوني غير حقيقي الهدف منه معرفة أفراد الأسرة ، وإن شاء الله نغطيها في المستقبل ونرسم سهم طالع من فوق العباية مكتوب عليه هذه الأم ، حتى أحلام بس تكبر شوي وبنغطيها ولا يهمك

صافي الود

 

[ام انوسي]

انا مادققت فعلا هذا اللي صار اصلا ماانتبهت الا بعد ماحكت البنت وانتم عارفين الاطفال يقولوا اى شي فما اعتقد ان فيه اشكاليه في طرح هذا الامر.....
استاذ عبدالله شرفني مرورك
وانا رديت عليها انها ماتغطت عشان نعرفها احنا وهي اصلا ماهي انسان حقيقي هي صوره بس بس فعلا البنت ملاحظتها قويه
وحلوه انكم بتغطون احلام اكيد بنلاقيها في منهج ثالث ولا تنسون مهند وعمر شيلوا طواقيهم الله يعافيكم

لكم جميعا خالص شكري وتقديري

 

[تعب !]

الله يوسع صدرك ياشيخه ضحكتيني
ايه ياليت تغيرون تسريحة شعر أحلام بعد

 

[الريم المفقود]

ههههههههههه
يعطيك العافيه على الموضوح,
هذولا هم الاطفال يحطونك في مواقف بعض الاحيان تشعرين انك بالمكان غير مناسب مثلاً انا عربي وادرس عربي ودين وبنت من أول في تفسير او شرح سورة العاديات قالت ابلى اشلون الله يشوفنا له فتحه في السماء يشوف منه؟ صراحه انا اضيع اذا احد سالن خاصة اذا كانت صغير .

 

[معيض أحمد الغامدي]

لِمَ لا ننظر للموضوع من زاوية مختلفة ؟
هذه الطالبة ( ليان ) مبدعة - ما شاء الله تبارك الله - شديدة الملاحظة حاضرة الذهن ناقدة حسها الإيماني رائع ، يمكن تعهد هذه المهارات وتطويرها
ثم يمكن أيضا عقد اجتماع مصغر من أبنائنا الطلاب وطرح موضوع الصورة ومناقشة الأفكار المطروحة من حيث قربها وبعدها عن الدليل وعليه نعزز قيم الحياء ، ونردم ما قد نلحظه من فجوات قيمية
وفق الله الجميع لكل خير ​

 

[معلمه مبتدئه]

صرااحه مت من الضحك يعني الاطفال مايشوفون بلاوي بالرسوم المتحركه بالتلفزيون لاكن الله يعين والله نجاهد بالردود عليهم واحيان نغير الموضوع على العموم الانسان لازم يكون عنده حسن تصرف ماشاء الله فعلا البنت ذكيه