جديده في التدريس واتمنى التوضيح

[أملي قريب]

السلام عليكم ورحمة الله وبركاته

انا ان شاءالله بدرس السنه القادمه الصف الثاني مادة القراءه

واتمنى من الأخوان والأخوات الشرح الوافي لي :

1_ كيف اقسم حصصي في الأسبوع مثلا معلمه القراءه عندها في اليوم

حصتين او ثلاث عند نفس الصف فماذا تعطي في الحصه الاولى و الثانيه والثالثه وهكذا في كل أيام الاسبوع

وكم حصة املاء وتدريبات اعطي في الاسبوع ؟

2_ ماذا اكتب في اوراق العمل ؟

3_التحضير هل يجب ايضا ان احضر لحصة الاملاء والتدريبات ؟

اعرف ان اسئلتي كثيره وتفصيليه ولكن اريد عندما ابدأ التدريس اكون فاهمه كل شي ؛؛؛؛؛؛؛؛

وجزاكم الله خيرا ووفق كل من يرد علي

 

[أملي قريب]

ماهذا الظن فيكم ولا احد يرد ويساعدني

مشكووورين

 

[حوراء عبدالله]

بسم الله الرحمن الرحيم

اهلين اختي والله الحال كذا في الصف الثاني والثالث للأسف عكس اول تبع مادة لغتي ماشاء الله مختلف..انا مثلك مستجدة على التدريس بس حبيت افيدك بتجربتي البسيطة واتمنى انك تستفيدي ولو القليل..

انا ادرس اول وثاني وثالث ابتدائي وثاني مش مطور للحين انا راح اقول لك على طريقتي في المنهج غير المطور

بالنسبة لثاني امشي على توزيع المنهج يعني الدرس يكون على حصتين لأن المقطع يكون طويل بالنسبة للطالبات غير كذا علشان يصير فيه فرصة للقراءة انا احاول اقسم النص قسمين مثلا انتي تشوفين الصفحة الاولى كافية او زائد سطرين ثلاثة من الصفحة الي بعدها..

ابدأ بتمهيد انااحرص ان يكون فيديو او جلب اي شي ملموس متعلق بالدرس مثلا درس جدي والمطر جبت لهم نبته وحدة كويسة خضراء وكبيرة والثانية ميته ويقارنون مابينهم ومناقشة المحادثة والاستماع تكون عن طريق سؤالهم ماذا ترين في الصورة وتحاولين تستخدمين العصف الذهني يعني يطلعون كل شي عندهم مثلا ماهي الالوان الموجودة مثلا صفي لي يوما ماطرا وحاولي تقربين لهم طيب بعدين تدخلين في الدرس لما هم يستنتجوه من التمهيد ومن المحادثة والاستماع ..

تكون القراءة النموذجية منك وتكررينها مرتين وتخلينهم يستمعون لك بانصات ويتبعون في الكتاب بعدين انتي تقراين وهم وراك وانتي تلاحظين البنات انهم يقرأون في الكتاب مش يرددون بس..بعدين ابداي بالمجيدات شوي شوي راح تكتشفينهم اذا كنتي اول مرة ونوعي بنتين مجيدات ثم ضعيفة ثم وسط وهكذا علشان لاتحس الضعيفة انها مهملة ومتروكة للأخير.. بعدين تقدرين قبل قراءة الطالبات تناقشين معاهم الموضوع العام ومناقشة الكلمات الصعبة مشش فقط المكتوبة في الكتاب تساليهم فيه معنى ماتعرفوه وتحاولي تسأليهم عن معاني بعض الكلمات وتتم المناقشة بطرح اسئلة بتوجيه حكمه يعني على حسب الدرس..بعدين قراءة الطالبات مثل ماقلت لك بعدين تقدرين تسوين تطبيق حلو اذا فيه وقت على الدرس اسئلة من عندك بس مثلا كلمات ويرتبوها على السبورة يعني جملة من النص الي تمت قرائته او اسئلة متنوعه صح او خطا يعني من هالقبيل..واذا مافي وقت تكتفين بالقراءة ..عن طالباتي يحبون القراءة ويزعلون اذا خليتهم يقرأون سطر سطرين يبغون كل وحدة تقرا النص كامل..

والحصة الثانية نفس الشي مع فرق مراجعة سريعة لما اخذوه في الدرس السابق..ووصله بالجزء الثاني..

بعدين تجي حصة التمارين انا اخليهم يحلون في الفصل ماحب يحلون في البيت واسوي لهم تعاوني مثلا بنتين بنتين يحلون سؤال والاسرع تاخذ نقطة كذا يعني او نجمة بهالطريقة..بعدين تجي حصة التقييم او تقدرين تقيمين بنتين بنتين في فترة القراءة وتكتبين لهم انها اتقنت القراءة في دفتر الواجبات..

أتمنى اكون افدتك اختي مع ان خبرتي جديدة بس انا عن نفسي ثاني مرتاحة معاهم مرة مرة وحلوين ..الله يوفقك يارب..​

 

[حوراء عبدالله]

بسم الله الرحمن الرحيم

بالنسبة للإملاء انا اشتكي شوي لأن ماعندهم كتاب املاء لكن انتي شفتي كتاب القراءة في التمارين يكون مكتوب في الهامش تحت المهارة المطلوبة وش تسوين تخصصين حصتين املاء في الاسبوع مثلا وتجيبين اوراق عمل تلاقين كثير منها هنا حتى من الصف الاول تقدرين تاخذين مافيه مشكلة عادي..انااسوي كدا طيب بعدين تشرحين لهم بشكل مبسط المهارة هذي مثلا الهمزة اول الكلمة او في اخرها وتحطين لهم كلمات من النص المقروء وتخلينهم يستخرجون وتسوين لهم املاء منظور يعني بعد ماتشرحين لهم وتكتبين الكلمات وتقولين لهم ينتبهون لها تمسحينها وتملينها مرة ثانية واقترح يكون عندك ملزمة خاصة بالاملاء ورقة بالوورد مقسمة على عدد الايام وفي كل يوم مستطيل فارغ مسطر للكتابة وتحته مستطيل اخر للتصحيح..اسهل لك..

وفيه بعض المهارات في التمارين مثلا كتابة المفرد والجمع تقدرين تجيبين اوراق عمل اكثر عن كذا وتوزيعها على الطالبات واحرصي يكون الحل داخل الفصل تضمنين تشوفين البنت الشاطرة من غيرها..وبس كذا تشوفين المهارات الي في الكتاب مثل ماقلت لك وتحاولي تجيبي لهم جمل على نفس المهارة حتى لو من عندك انا اسوي كذا لأن احيانا ماشوف في النص نفس ماهومطلوب ..مثلا اكتبي لهم عن التنوين عن الشدة ال القمرية يعني "طبعا اختي انا اكلمك عن مهارات الترم الثاني لأني توني ادرس الترم الثاني..ماعندي فكرة عن الترم الأول يعني يمكن مهارات الترم الاول تكون حركات فتحه ضمة هكذا.."

أتمنى اكون افدتك وبالتوفيق..​

 

[طارق الزعبي]

الله الموفق للجميع

 

[طارق الزعبي]

عادة ما يكون عرض المادة القرائية بطريقة موحدة لجميع الطلبة أمر جميل .................... ! اما من خلال الكتابة على السبور شريطة الخط الجميل او من خلال برامج العروض التقديمية . وهذا يساعد جدا في تمكن الطالبات من القراءة . ويمكن توضيح ذلك

 

[طارق الزعبي]

ابراز مهارات قرائية سبق تعلمها بلون مغاير يعطي الطالبات دافعا تعزيزيا للقراءة باتقان .

 

[طارق الزعبي]

اوراق العمل لا يفضل زخامة المهارات فيها وكلما خدمت الاوراق صلب الموضوع كانت اكثر نجاحا وتحقيقا لثقة الطالبة بنفسها

 

[أملي قريب]

كل الشكر والتقدير لمن تعب نفسه (حوراء و طارق‏)‏ وأجاب علي أفدتوني كثيرا ‏↳‏
أسأل الله أن يجعلها في ميزان حسناتكم

 

[طارق الزعبي]

مهنة التعليم صبر ثم صبر ثم صبر معلمتي .

أعانك الله ووفقك في بداية هذه التجربية