أنجز مشروعي : الغذاء المتوازن

[العربية لغتي]

في الوحدة الثانية :وحدة الصحة والغذاء وبالتحديد في كتاب النشاط كيف أنجز مشروع الغذاء المتوازن
هل يتم رسم عقارب الساعة على أوراق وقصها وتجميعها لتشكل دفتر مثل كراسة الفصل الذي ولدت فيه؟
ياليت أجد الرد لأن المشروع يبدأ الحصة 2 من هذا الأسبوع

 

[-ام عبدالله-]

ماشاء الله تبارك الله وصلت هنا

اولا هذا مشروع لطالبات
ثانيا :يرسم ساعة وتكون كل ساعة بعقربها الله يكفينا شر العقارب ههههههه

الساعة الاولي حددي من كم الى كم وتحددين الوجبة وهلم جرا

 

[هديل الطير]

باذن الله راح

اخليهم يقصوون دواائر

يركبوون عليها عقاارب السساعة

ويثبتوونها ع اوراق ملوونة


ويكتبوون الغذاء بجانبها

وبالتووفيق

 

[خيزرانة]

ياليت اللي أنجزت المشروع تورينا كيف بالصورة الله يجزاكم خير

 

[الولع]

جزاك الله خيرا ونفع بك

 

[معلمه مبتدئه]

جهود رائعه بالتوفيق

 

[أم ريتال]

للرررررررررررررفع

 

[أم مشعل]

أنا سويت اليوم واحد بس انتهي منه بصوره أوريكم بإذن الله

،​

 

[صـــــدف]

باذن الله راح
اخليهم يقصوون دواائر
يركبوون عليها عقاارب السساعة
ويثبتوونها ع اوراق ملوونة
ويكتبوون الغذاء بجانبها
وبالتووفيق

ماني فاهمة
ليش نقص الدوائر
وبعدين دوائر النشاط صغيرة وفقط تحدد عليها
الطالبة الوقت
او قصدك نسوي غيرهن اكبر على صحن ورق فرضا ..

.. بس ليه ماهو مطلوووووب

:
:

ام مشعل
وش تورينا
يعني تصورين الحل او انك مسوية
دوائر كبيرة

:
:

ترى ماله داعي
هذا نشاط تحله الطالبة لتحدد موعد طعامها ..وتضع خطة بنفسها

:
:

كذا فهمته
مين موافقني الرأي

 

[-ام عبدالله-]

ماني فاهمة
ليش نقص الدوائر
وبعدين دوائر النشاط صغيرة وفقط تحدد عليها
الطالبة الوقت
او قصدك نسوي غيرهن اكبر على صحن ورق فرضا ..

.. بس ليه ماهو مطلوووووب :d

:
:

ام مشعل
وش تورينا
يعني تصورين الحل او انك مسوية
دوائر كبيرة

:
:

ترى ماله داعي
هذا نشاط تحله الطالبة لتحدد موعد طعامها ..وتضع خطة بنفسها

:
:

كذا فهمته
مين موافقني الرأي

انا موافقة رائك يا صدف
اترك الطالبة تبدع في انجازها وليس انا ولدي كراسات نشاط الوحدة الاولى ابدعن طالباتي

 

[خيزرانة]

بسم الله عليك صدف قاعدة تهرج مع نفسها ياليتك جنبي ماأحد يسولف معي تقول مشروع مشروع ماباقي وصلنا له الله يعطيها العافية أم مشعل خليها تورينا :d

 

[أم مشعل]

:d

أدري أن النشاط للطالبات ماني حاشره عمري بينهن

بس أنا مسوية نموذج لي لسجل الإنجاز حقي لأن فيه قسم خاص حاطته لهالأشياء حتى كراسة الفصل الذي ولدت فيه مسوية لي وحدة :d

:d​

 

[صـــــدف]

بسم الله عليك صدف قاعدة تهرج مع نفسها ياليتك جنبي ماأحد يسولف معي تقول مشروع مشروع ماباقي وصلنا له الله يعطيها العافية أم مشعل خليها تورينا :d

تهقين جتني هلوسه

لا بجد مافيه مشروع وورشة عمل مثل الوحدة الاولى

الا اذا هم حابين ان بناتهم يسون لهم ساعات من ورق

:
:

انتظر التوضيح

<< شكت بعمرها

 

[صـــــدف]

هلا ام عبدالله

يعني مو مطلوب اساسي اسويه مثل مشروع الدفتر

واترك الحرية لطالبات

واذا علي سهلة اسويه واخليه بملفي

:
:

ام مشعل

ننتظر ساعتك ودفترك

ابشوف باي فصل ولدتي فيه ..

 

[خيزرانة]

ياناس حيرتونا يعني هالنشاط لازم يتنفذ والا هو اجتهاد منكم فديتكم وضحوا لنا اعتبرونا شلة الكسالى اللي بصفكم

 

[بنت خيبر]

ههههههههههههه صدف موتيني ضحك سويه زي مايريحك بس اهم شيء يكون بالمضمون يعني فيه الزبده والهرجه انا حايسه اسوي نموذج وادور ع نماذج ساعات اخذ منها
اما مشروع الفصل الذي ولدت فيه وقسم بالله البنات جابوا لي الصداااااااااااااااااع فيه مادري ليه بس خلصناه وبدينا بشيء ثاني
خيزرانه هههههههههه وش عندك هههه

 

[خيزرانة]

الله يوفقك أختك تبغى تفهم وسؤالي واضح عزيزتي مستجدين

 

[استغفرك ربي]

ياناس المشروع واضح مايبغى فلسفة زيادة ترسم البنت عقارب الساعة في الكتاب وتكتب وجباتها الغذائية فقط
حرررررررررام عليكم لا ترهقوووون الطالبات بشي ماله داعي ومب ضروري ترى رابع مساكين كل مناهجهم مطورة وتتطلب مشروعات

 

[شاطىء المدينة]

بارك الله فيك

 

[ليــــــان]

حتى انا وصلت له اليوم وافكر اسوي نماذج لهم لان بناتي مايبون يسون شي ابد وكراسة الفصل حاسوا فيها حوسه ونفسي عندي نموذج ابين لهم كيف يسون