هلا وغلا هالدرس تقدرين تبدعين فيه كثير
مو لازم بروجكتر نص الدعم من أكثر الدروس اللي تقدرين تبدعين فيها
جهزي ركن في الفصل على شكل حديقة جزء بسيط جداً من الفصل ضعي شجرة
وأعشاب(رسم عالجدار)أو(فلين) المهم وضعي شبكة وعليها عنكبة ( لعبة طبعاً) مثل موموجود عندك بالكتاب
راح تقولين لي بأيش يفيد راح يفيدك بتمثيل الأدوار وحدة من الطالبات راح تمثل دور صفاء والثانية بتمثل دور
عامر وهالاستراتيجية اسمها استراتيجية تمثيل الأدوار ويحبونها المشرفات وطبعاً لازم تدربي طالباتك على
تمثيلها مسبقاً وعندك العصف الذهني وممكن تطبقينه في ماهي فوائد العنكبة؟ يمكن تسألين ايش هو العصف الذهني
العصف الذهني هو أنك تجمعين أكبر عدد من إجابات الطالبات وتكتبينها على السبورة او على اي شي اخر
وبعد ذلك تفرزين الاجابات الصحيحة وتضعينها على جنب والخاطئة تستغنين عنها وممكن اعطيك فكرة
لها خلي عندك بطاقات تكتبين فيها اجوبة الطالبات وتعلقينهم على السبورة وبعد فرز الاجابات
تاخذين الاجابات الصحيحة وتعلقينها على الشبكة العنكبوتية اللي قلت لك حطيها في ركن الحديقة
وتقدرين تسوين بعد نشاط جماعي في فكرتين وانتِ اختاري وحدة ياأنك تسوين خريطة معرفية
الزمان - المكان -الشخصيات - الأحداث....
والثانية تعطينهم جزء من قصة العنكبة واهم يكملونها او انك تعطينهم قصة العنكبة
ويختارون للقصة خاتمة اخرى من ذهنهم
ولا تنسين ياعزيزتي الجانب الديني وكيف ان العنكبة نسجت خيوط حول الغار اللي كان
فيه الرسول صلى الله عليه وسلم وابوبكر الصديق وبفضل من الله سبحانه وتعالى
ثم بفضل هالعنكبة تخلص من الكفار الذين أرادوا قتل رسولنا الكريم وتذكرين لهم
الاية ولاتنسين تذكرين لهم ان في القران الكريم سورة كاملة اسمها سورة العنكبوت
وأذكري لهم معاني المفردات والضد والمترادفات
والدرس على حصتين الحصة الاولى منها الى انمي لغتي هذا اللي قالت عليه مشرفتي
ممكن هالرابط يفيدك بالشرح
http://www.youtube.com/watch?v=GFBGrxGaxWo&feature=related
سبحان الله
هذا الرابط يخليك تربطين بين لغتي الجميلة ومادة العلوم والدين وهذا الشي طيب ويحسب لك
اما بالنسبة للتمهيد ممكن تجيبين عنكبوت سواء صورة او حقيقي وانا افضل يكون حقيقي
(حسي) وتسألينهم بكل بساطة ماذا ترين؟
واكييييييييييييييد بيجاوبونك أو ممكن يكون عن طريق لغز ونصيحة لا تطولين في التمهيد
بالنسبة لهدايا الطالبات ممكن تعطينهم اي شي وتغلفينه بورق تغليف سبايدر مان(الرجل العنكبوت)
اتمنى منكم الدعاء لي في تيسير درسي النموذجي <<<ودها تصيح لأنها مبتدئة
اسفة عالإطالة وبالتوفيق ياااارب
